El Teixu continúa col repartu de cartelos dientro la campaña 'Na llengua de casa'

La Rede pal Estudiu y Defensa de la Llingua Asturllionesa El Teixu principió esti mes col repartu per Senabria de cartelos nel nuesu idioma pa contribuyir a la so normalización y visibilización. Enantes fixéralo en delles zones de Lleón.

En total son cinco los cartelos que se reparten en comercios y establecimientos hosteleros dientro de la campaña 'Na llengua de casa': pecháu, abiertu, emburriare, tirare, homes y mulleres. D'esta forma, El Teixu fai de so una iniciativa asemeyada que n'Asturies tuvo ésitu abondu hai décades, con indicadores qu'entovía pueden vese en munchos chigres.

'Na llengua de casa' llega asina a Zamora tres desendolcase en Ḷḷaciana, El Bierciu, Maragatos o Cabreira con un ésitu grande. Darréu, llevaráse a otres zones del dominiu asturlleonés.