El teatru costumista ye protagonista en Candás

Ta desendolcándose'l XXV Salón de Teatru Costumista Asturianu de Candás.

En Teatru Prendes torna a acoyer toles funciones, que principien a les 23 hores. Ayeri abrieron esta cita los llangreanos Teatro Kumen con 'Silencio, se roba' y güei va ser el turnu d'El Horreo, de Barcia, con 'Coses de la mi muyer'. Pa mañana ta previstu'l primer de los siete estrenos que presenta'l certame esti añu: 'El viudu alegre', a cargu de los xixoneses Traslluz.

El restu de funciones son les siguientes: 'Los carromateros' (estrenu), de Compañía Asturiana de Comedias (Xixón), el sábadu; 'Un negociu de cuidáu' (estrenu), de Rosario Trabanco (Xixón), el domingu; 'Los trés cariñinos' (estrenu), d'En Sin Reparu (Sevares), el llunes; 'Pa qué queremos homes', de Refaxu (Blimea), el martes; 'Graduóme la muyer' (estrenu), de Chanclos Asgaya (Uviéu), el miércoles; 'El molín encarnáu' (estrenu), de Santa Bárbara (Llaranes), el xueves 27; 'El candidatu', de Carbayín, el vienres 28; 'Mariposina' (estrenu), de Xana (Perlora), el sábadu 29; y 'Tocónos muyer, tocónos', de Padre Coll (La Felguera), el domingu 30.

Les ventes de les entraes va facese una hora enantes de cada función nel propiu Teatru Prendes. El so preciu ye de 6 euros, de 4 pa los socios.