El Taller d'Asturianu de Sariegu lleva les sos clases a la rede

El cursu sigue de manera non presencial y permite acceder al mesmu en direuto.

El Taller d'Asturianu de Sariegu, qu'echó a andar el pasáu día 3, nun va aparar mientres les midíes de prevención afitaes pol Gobiernu por cuenta de la pandemia de COVID-19 pol coronavirus. El Serviciu de Normalización Llingüística 'Comarca de la Sidra' caltién les clases tolos martes nestes selmanes próximes pela rede al traviés de YouTube.

Aprovechando la circunstancia, va abrir l'accesu a les mesmes a toles persones interases en deprender más sobre l'idioma. Asina, un poco enantes de les 18 hores d'esta tarde, cuando principia la sesión, va tar emitiendo pela canal del SNL en YouTube.

Como xera pa güei, les alumnes y alumnos teníen una llectura d'Antón García de la so obra 'Memoria de Tuña' que pueden consultar nel Facebook del SNL.