El Stiaua d'Asturies y el Rosal, dos equipos xuníos pol asturianu

Los dos conxuntos uviedinos del grupo 2 de Segunda Autonómica sacaron una pancarta en defensa del idioma en La Pixarra.

'Col asturianu, nel futbol popular, xugamos nel mesmu equipu' rezaba'l baberu col que saltararon al campu los integrantes del Stiaua d'Asturies y el Rosal nel partíu correspondiente a la úndecima xornada que se disputó na tarde d'ayeri. Asina dambos conxuntos quixeron amosar el so compromisu na defensa del idioma, adaptando'l lema promocionáu la temporada pasada pola Direición Xeneral de Planificación Llinguística y Normalización.

No deportivo, el trunfu foi pal Rosal pol 1-8, resultáu que-y permite caltener la tercer plaza empatáu a 24 puntos col CD Langreo Eulalia y a dos del líder, el San Juan La Carisa, que tien un partíu más. Pela so parte, el Stiaua sigue ocupando'l puestu de colista de la categoría.