El Sporting presenta la equipación d'esti añu

|
Primer equipación Sporting 2017-2018

La primera tien les rayes más fines y caltién el llombu colloráu. La segunda ye blanca.

El Sporting dio a conocer a primer hora d'esta mañana la primer equipación del equipu pa esta temporada con una orixinal campaña promocional na que fixo partícipe a los xixoneses. Asina, un grupu d'emplegaos del club foi parando pela cai a persones pa que se punxeren la camiseta pa posar pa semeyes y videos que se tán difundiendo peles cuentes oficiales del conxuntu roxiblancu.

Nike torna a diseñar la camiseta sportinguista, que destaca por tener les rayes más fines y namái pela parte d'alantre, siendo'l llombu colloráu dafechu. Nella pue vese la publicidá de TeslaCard, primer empresa privada en poner el so nome nel frontal de la roxiblanca.

Na parte d'atrás desapaecen les banderes de Xixón y Asturies y nel so llugar, en doráu, inclúise un recuerdu de los 110 años d'El Molinón y la cruz de la victoria. El topónimu Xixón, mentes, apaez nuna manga na so versión castellanizada.

No que respeuta a la segunda equipación, esta ye blanca con detalles en prieto. L'escudu adáptase al diseñu de la mesma, perdiendo los collores roxiblancos.

AdxuntuTamañu
Image icon Segunda equipación Sporting 2017-2018138.29 KB
Contador Estadistiques