El Sporting perdió nel últimu minutu

El Sporting volvió de Soria ensin sumar puntu dengún nún partíu en que Navas aprovechó ún rebote de la defensa asturiana pa marcar nel minutu 88.

L'equipu asturianu entamó'l partíu mandando, con delles llegaes al área mientres que'l Numancia buscóles a balón paráu, pero en tola primer parte nun foi a facer ocasiones de peligru. El segundu tiempu entamó con una ocasión clara de gol nun remate de Pablo Álvarez a centru de Pablo Lago, una acción que pieslló'l balance atacante del Sporting, qu'entós entamó a encoyese nel so área énte l'ataque del Numancia. Cuando paecía que'l partíu diba quedar nel empate ensin goles, un disparu de hablo Niño rebotó na defensa asturiana, yendo el balón a los pies de Jordi Navas, que marcó'l tantu del trunfu local, confirmando les impresionesdel entrenador del Sporting, Ciriaco Cano, que yá alvirtiere de la dificultá de ganar al Numancia.

Nun partíu en que nengún de los dos equipos tuvo munches ocasiones y nel que l'empate foi el resultáu que más merecieron dambos conxuntos, el gol serondu del Numancia dexó al Sporting na tierra de nadie de la clasificación, a cuatro puntos del ascensu y otros cuatro del descensu.