El sortéu d'almisión d'escolinos nos centros da como resultáu les lletres 'Xs' nel sen de la Z a l'A

|
Genaro Alonso visita colexu en Sariegu

Comenzó'l procesu pal segundu ciclu d’Infantil, Primaria, Secundaria y Bachilleratu.

La Conseyería d’Educación y Cultura entama esti sortéu pa resolver empates de puntuación nos centros docentes públicos y privaos concertaos d'estes etapes educatives de cara a la escoyeta de centru pal cursu 2019-2020. Según recueye l’acta, dio como resultáu que se va empezar a mirar les dos primeres lletres del primer apellíu per 'Xs' nel orden alfabéticu contrariu, esto ye, de la Z a l'A.

D’esta manera, ábrese’l calendariu de matriculaciones pal cursu escolar que vien, siendo del 22 al 3 de mayu'l plazu de solicitúes p'aquelles escolines y escolinos d'ingresu nuevu o cambiu de centru. La espublización de les llistes ta prevista pal 16 de mayu.

Mentes, l'alumnáu adscritu va recibir el 18 de marzu la documentación, qu'ha d'entrega cumplimentada entantes del 20. La publicación de les llistes provisionales de reserva de plaza nos centros va facese'l 2 d'abril.

El plazu de formalización de matrícula va ser del 13 al 20 de xunu, en Primaria; y del 1 al 15 de xunetu, n'ESO y Bachilleratu. Los que tenga que facer la evaluación final estraordinaria, van poder inscribise del 2 al 6 de setiembre.

Na semeya, el conseyeru Genaro Alonso mientres una visita al Colexu Públicu Salvador Vega Berros, en Sariegu.

Contador Estadistiques