El sindicatu de maquinistes de Renfe convoca dos díes de fuelga

El sindicatu de maquinistes y ayudantes ferroviarios de Renfe (Semaf) convocó fuelga los próximos xueves y vienres, díes 18 y 19 de payares, ente les 00.00 hores y les 24.00 hores, informó'l sindicatu.

En concreto, estos díes de fuelga van afectar a tol personal de conducción de Renfe Operadora y, poro, a tolos servicios de tresporte ferroviariu qu'empresta la operadora en tol Estáu.
  
Nun comunicáu, Semaf indicó que la convocatoria débese "a l'actitú de la dirección de la empresa pola interpretación sesgada que ta realizando de les condiciones llaborales recoyíes nel nuevu acuerdu de desarrollu profesional enllantáu'l pasáu mes de xunetu".
  
Coles mesmes, añadió que se vio "bloquiáu cualquier intentu de superación del conflictu pola voluntá de la dirección de la empresa d'aplicar arbitrariamente criterios de disponibilidá inesistentes nel acuerdu de desarrollu profesional".