La procesión sidrera va celebrase'l día 14.
La xixonesa Sidrería Xuanina va ser el puntu d'aniciu del Sidracrucis, eventu entamáu pola revista La Sidra que consiste nun pelegrinar per chigres y llagares del país con comienzu a les 12 y final a les 22 hores. Nesta ocasión el percorríu va trescurrir pela conceyos de Xixón y Villaviciosa, y nél nun van faltar los pinchos y la música'l país.
La Montera Picona, El Requexu, el Llagar de Begoña, El Mariñán de Begoña, Los Campinos, El Texu, El Buen Yantar, Puente Romano, la Primer Sidre l'Añu, Tonelería Pión, Llagar Buznego y Llagar Vallina completen un itinerariu que va tener final en Casa Pepito con una espicha con pastel de tiñosu, patates ali-oli, croquetes caseres, chorizu a la sidre, güevos cocíos, tortiella de pataca, miniempanadielles, superhamburguesa y tablón de suprema de güe. El preciu, too incluyío, ye de 60 euros, mentes que pa collaboraores y grupos de 4 persones p'alantre queda en 55 euros, con autocares dende Xixón, Uviéu y Avilés.
Les persones interesaes pueden acutar plaza –son llendaes por motivos d'organización– nel teléfonu de contautu 652.594.983 o nel corréu electrónicu sidracrucis@lasidra.as.