El sicólogu Howard Gardner, premiu Príncipe d'Asturies de Ciencies Sociales 2011

UVIÉU, 11 de Mayu (EUROPA PRESS) El profesor y sicólogu estaounidense Howard Gardner alzóse esti miércoles ganador del Premiu Príncipe d'Asturies de Ciencies Sociales na so edición del 2011. El fallu del xuráu fízose público esti mediudía nel hotel de La Reconquista d'Uviéu. Reconocíu internacionalmente pola so teoría de les intelixencies múltiples, que reveló les delles manifestaciones del intelectu humanu, les investigaciones de Gardner resulten decisives pa la evolución del modelu educativu al tomar en considerancia les potencialidaes innates de cada individuu.