El SERIDA participa en México nun cursu-taller de producción de lleche en pastoréu

Fernando Vicente, investigador del SERIDA, va participar nel Cursu-Taller Internacional de Producción de Lleche en Pastoréu que va celebrase del 4 al 8 de marzu en Toluca. L’espertu va ofrecer dos ponencies sobre esti tema.
 
L’auditoriu de la Facultá de Medicina Veterinaria y Zootecnia de la Universidá Autónoma del Estáu de México (UAEM), en Toluca, ye’l llugar onde va impartise esti cursu-taller nel que tamién va participar el doctor Ernesto Morales Almaráz, profesor de la UAEM que fixo la so tesis doctoral nel ‘Servicio Regional de Investigación y Desarrollo Agroalimentario’ (SERIDA). Nestos cinco díes, dellos espertos tratarán d’evaluar les posibilidaes de meyorar la producción llechera en base a pastu asina como les alternativas forraxeres posibles pa optimizar l’aprovechamiento de los recursos naturales.
 
En concreto, Fernando Vicente, responsable del Programa de Investigación en Producción de Lleche del SERIDA, va falar sobre la producción llechera na Xunión Europea y sobre la complementación del pastoréu con forraxes y raciones completes amestaes. La participación del SERIDA nesti cursu-taller enmárcase dientro del Conveniu Marcu de Cooperación n’Investigación, Desarrollu, Innovación, Tresferencia de Tecnoloxía y Formación robláu nel 2008 ente la UAEM y el SERIDA.