El SEPA comunica 35 quemes actives

Ḷḷena, con 8, ye'l conceyu más afeutáu.

A les 19.06 hores de güei había 35 quemes actives n'Asturies. Son 15 menos de les esistentes esta mañana, cuando s'informaron 50, llueu d'unes xornaes complicaes nes que llegaron a contabilizase, ayeri al muedía, 93.

La distribución de los fuegos por conceyos ye la siguiente: Ḷḷena, 8; Ayer, 6; Cangas del Narcea, 4; Allande, Llanes, Mieres y Ponga, 2; y Amieva, Grau, El Valle Baju de Peñamellera, Riosa, Salas, Teberga, Tinéu, y Yernes y Tameza, 1. Nos llabores de desaniciu, vixilancia y siguimientu de les quemes tán trabayando xunto col personal de sala del 112 del Serviciu d'Emerxencies del Principáu d'Asturies (SEPA) y los efeutivos de Bomberos d'Asturies, los axentes del mediu natural, les cooperatives forestales y les brigaes de llabores preventivos del Ministeriu de Transición Ecolóxica.

Na imaxe, efeutivos de Bomberos d'Asturies faen trabayu de cortafueu en Cangas del Narcea. Semeya propiedá del SEPA.