El senador d’ICV-Verds Jordi Guillot visita Asturies

El senador d'Iniciativa per Catalunya- Verds (ICV), Jordi Guillot, visita Asturies esti martes. N’Uviéu va celebrar una comida de trabayu con oxetu tratar la coxuntura política asturiana y estatal con Los Verdes d'Asturies.

Darréu va celebrase una rueda de prensa nel hotel NH Principáu a les 17.00 hores. Nel alcuentru colos medios de comunicación esplicarán les propuestes verdes contra la crisis, lo que se denominó'l Green New Deal o compromisu social verde, recoyendo la propuesta de les Naciones Uníes.
  
Na rueda de prensa va tar acompañáu por Juan Ignacio González, secretariu d'Acción Política y Relaciones Institucionales de Los Verdes d'Asturies y miembru fundador de la Coordinadora Verde, el que va esponer les novedaes de la confluencia verde a nivel estatal y autonómicu, tantu dende la Coordinadora Verde (movimientu de bases) como dende Equo (Fundación pa la ecoloxía política).