El Senáu valta los Presupuestos y devuélvelos al Congresu

|

El Plenu del Senáu baltó los Presupuestos del 2011, al prosperar el vetu presentáu pol BNG, con 138 votos a favor, seis senadores más de la mayoría absoluta requerida pa sacar alante'l refugu, frente a los 124 en contra.

El testu llegó al Plenu dempués de que lu vetaren na Comisión de Presupuestos de la Cámara Alta, onde PP, CiU y BNG sacaron alantre'l vetu a la totalidá de la formación gallega. En concreto, PP, CiU, ERC, ICV y BNG presentaron vetos a la cuentes públiques nel Plenu del Senáu.
  
Agora, los Presupuestos del próximu añu vuelven al Congresu intactos, onde'l Gobiernu va facer valir el so pactu con PNV y CC pa llograr la mayoría absoluta requerida pa llevantar el vetu impuestu nel Senáu.
  
Nuevu palu políticu

Anque esti vetu nun tien consecuencies práctiques, sí supón un nuevu palu políticu pal Gobiernu de José Luis Rodríguez Zapatero. Amás, suma'l cuartu refugu de la Cámara Alta a les cuentes na historia de la democracia y nos dos últimes lexislatures socialistes, tres los vetos a los Presupuestos del 2005, 2008 y 2009.
 

Comentarios

lo de 'baltar' ente comines ye porque sigún el DALLA escríbese con v, non?

Contador Estadistiques