El segundu quesu con denominación

La Foz de Morcín celebró esti fin de selmana la yá tradicional Fiesta del Afuega'l Pitu, la variedá de quesu de lleche de vaca que se fai nos conceyos de la parte del cursu mediu del Nalón a la fastera del Monsacro. La Hermandá de la Probe, alma d'esti concursu que llegó ayeri a la XXIII edición, foi repartiendo ente tola xente que diba llegando a La Foz más de 1.000 raciones de pan y quesu que nun foron abondes p'agasayar a la cantidá de visitantes que vinieron de fuera a prebar esti productu, que de tar nun tris de desaniciase, ye anguaño un de los productos tradicionales del país que más salida tienen.Y ye qu'esti festival vieno a afitar la recuperación del quesu d'afuega'l pitu. Los cerca de trenta artesanos presentes en festival, que ganó La Borbolla de Grau, despacharon ayeri más d'ochocientos kilos de les tres clases (blancu de trapu, encarnáu de trapu y atroncáu) d'un de los pocos quesos que tienen denominación d'orixe n'Asturies