El sábadu fina'l plazu pa presentar rellatos al Xosé Caveda y Nava

El concursu entamáu pol Conceyu de Villaviciosa celebra la so segunda edición.

Esti sábadu acaba’l plazu pa presentar trabayos pal II Premiu de Relatos Curtios Xosé Caveda y Nava. Cada participante va poder concursar con una obra, escrita n'asturianu, con un llargor d'ente 3 y 12 folios, d'acordies colos requisitos qu'establecen les bases del concursu, que pue consultar nel documentu axuntu a esta noticia.

El tema ye llibre y los rellatos han ser orixinales y inéditos, incluyíos medios dixitales, y non premiaes n'otros concursos. El gallardón tien una dotación económica de 1.000 euros y una Mazana de Plata conmemorativa.

Los interesaos en participar han d'entregar el so trabayu nel Rexistru del Ayuntamientu de Villaviciosa, cola posibilidá d'unvialu per corréu postal a la Casa Conceyu de Villaviciosa (Plaza del Ayuntamientu númberu 1, 33300 Villaviciosa) faciendo referencia nel sobre al II Premiu de Relatos Curtios Xosé Caveda y Nava.