El ruíu d'una pandorga silencia'l discursu del rei

|
Felipe VI discursu coronavirus

Miles de persones dexáronse oyir n'Asturies faciendo ruxir oxetos metálicos y xiblando dende les ventanes de los sos llares.

La convocatoria yera a les 21 hores y movióse peles redes sociales en tol Estáu. Tenía como oxetivu reclamar que la Casa Real devolviera los 100 millones d'euros que, según ta informando la prensa internacional, tendría'l monarca eméritu Juan Carlos I en cuentes suices, pa destinales a la sanidá pública nestos momentos de llucha contra la pandemia de COVID-19, mentes que n'Asturies una de les plataformes que la movió foi la iniciativa #AsturiesNunTienRei, qu'entama #LluchandoPolaSoberanía, centrándola nel refugu a la monarquía.

A la hora prevista, mientres les televisiones emitíen el discursu del rei Felipe VI, el ruíu tomó les cais del país y del Estáu. Una pandorga y xiblíos peles ventanes de numberosos vecinos frayaron el silenciu que tienen unes cais cuasi ensin tráficu poles midíes entames dende'l Gobiernu estatal pa frenar l'espardimientu del coronavirus SARS-CoV-2.

Nesti videu de Rafael Velasco compartíu en Facebook pue vese la pandorga nel barriu d'El Llano, en Xixón.

Contador Estadistiques