'El ritmu de Verdicio', cantar de moda

Nin ellectrollatín nin reggaeton, el cantar de moda n'Asturies ye 'El ritmu de Verdicio', del artista uviedín Rodrigo Cuevas.

Esti cantar, qu'amiesta'l popular 'Soi de Verdicio' col tema dance de los 90 'El ritmo de la noche' de Mystic, ta siendo una sensación peles redes sociales, onde pudo vese per primer vegada n'abril d'esti añu. El so autor ye Rodrigo Cuevas, artista asturianu que trunfa en tol Estáu col so espectáculu que bebe del couplé y nel que tamién inclúi otres temes tradicionales del país.

Nesta noticia pues ver el cantar que yá baillen miles d'asturianos y asturianes gracies a un videu fechu por Juan Acosta.