El RIDEA entama un ciclu de conferencies sobre toponimia esti ochobre

Coordínalu Xulio Concepción Suárez.

El Palaciu Conde Toreno, dede del Real Instituto de Estudios Asturianos (RIDEA), va acoyer los xueves restantes d'esti ochobre un 'Ciclo de conferencias sobre toponimia'. Va consistir en cuatro intervenciones, tando programada la primera pa mañana, a les 19.30 hores.

Trátase de 'La toponimia en 3D: un ejemplo práctico en Somiedo', a cargu de Jesús Lana Feito, llicenciáu y doctor en Pedagoxía, y el propiu Concepción. Nella van esplicar que "los recursos dixitales, al algame d'una cierta mayoría anguaño, faciliten un pasu más a unos y a otros a la hora d'afitar o d'interpretar un topónimu nun mapa; d'un llau, la precisión cartográfica del que señala un nome sobre'l terrén, cola so información completa (posición visualizada en relieve, ficha descriptiva, semeyes de detalle, numberación GPS...); del otru, la valoración personal del que lo llee, en función de los oxetivos sienderistes".

Van completar el ciclu les conferencies 'Para un diccionario toponímico minero asturiano, comenzando por Los Picos', de Luis Aurelio González Prieto y Concepción (día 17); 'La recogida de los datos toponímicos de la voz de los lugareños y su localización geográfica', a cargu de Víctor Manuel Delgado y Alejandro Zuazua (día 24); y 'Toponimia y Cartografía asturianas: un recorrido histórico por la cartografía oficial y la aplicación de las nuevas herramientas digitales', por Santos Nicolás Aparicio (día 31).