El referéndum catalán celebraráse'l 1 d'ochobre

La entruga será 'Voleu que Catalunya sigui un Estat independent en forma de república?'.

El presidente de la Generalitat, Carles Puigdemont, fixó esta mañana una declaración institucional p'anunciar que Catalunya entamará un referéndum unillateral pola independencia del país el domingu 1 d'ochobre. Una vegada conocida la fecha, faltaba por saber la entruga concreta, que finalmenter será '¿Quier que Catalunya sía un Estáu independiente en forma de república?'.

“Toca a les y los catalanes decidir el so futuru”, defendió Puigdemont, qu'añadió que'l Govern “conxúrase pa ufrir toles garantíes y a velar pola derechura del procesu de convocatoria, organización y celebración del referéndum”. Dende'l Gobiernu estatal lleven tiempu asegurando que dicha consulta al pueblu catalán nun se va celebrar, dalgo que tornó a confirmar güei'l so voceru Iñigo Méndez de Vigo na rueda de prensa posterior al Conseyu de Ministros.