El recursu de los controladores aéreos contra l’estáu d’alarma, desestimáu pol Tribunal Supremu

El Tribunal Supremu tornó'l recursu contencioso-alministrativu presentáu pola Unión Sindical de Controladores Aéreos (USCA) contra'l Real Decretu pol que se decretó l'estáu d'alarma'l pasáu 4 d'avientu. Queda otru recursu por resolver.
 
La Estaya Octava de la Sala de lo Contencioso-Alministrativu del Supremu desestima'l recursu al considerar que nun tien xurisdicción pa tramitalu, dao que la decisión del Gobiernu de decretar l'estáu d'alarma taba avalada pol artículu quintu de la Constitución Española (CE) y ratificada pol plenu del Congresu de los Diputaos. D’esta forma, el Tribunal Supremu resuelve’l primer de los dos recursos presentaos pol USCA, sindicatu qu’arrexunta al 97 por cientu de los controladores d’AENA.
 
El segundu recursu de la organización sindical diríxese contra'l Real Decretu 1611/2010 qu'ordenó la militarización de los servicios de tránsitu aereu civiles y que permitió la presencia de militares nes torres de control.