El Rebolleres Rock pasa a celebrase nel mes de xunetu tres años de parón

L’Ensame Xuvenil Trisquel torna a l’actividá y recupera'l Rebolleres Rock, festival que venía celebrándose en setiembre. L’eventu va tener llugar el 28 de xunetu nel prau Gervasia de Candás con Dixebra, Skama la Rede y Desakato.
 
La Conceyalía de Festexos de Carreño collabora nel entamu del Rebolleres, que pa esta edición pasa a celebrase al aire llibre. L’Ensame Xuvenil Trisquel, coleutivu que trabaya pola defensa de la cultura tradicional asturiana, tien preparao un cartel de primera llinia na que, amás de Dixebra, Skama la Rede y Desakato, tamién va participar el Grupu de Baille Tradicional San Félix.
 
Toles actuaciones van tener llugar el sábadu 28 de xunetu pela nueche nel prau Gervasia, recuperando asina l’espíritu de les nueches celtes celebraes nesi mesmu puntu de Candás y recordaes por tolos aficionaos a la música del país.  

secciones: