El Real Uviéu ficha a Caco Morán

El futbolista Alejandro Morán Santamaría, más conocíu pal públicu por Caco Morán, entró esti llunes a la disciplina del Real Uviéu , que se refuerza pa la so segunda campaña en tercera división con esti central que vien del Jaen. Salíu de la cantera del Sporting de Xixón, Caco tien xugao n'equipos de segunda y primera división como'l Numancia.

D'otra manera, el Sporting B de tercera división preséntase esta tarde en Mareo a les 5 de la tarde. Pepe Acebal, antiguu entrenador del primer equipu del Sporting, cuenta cola plantiya más moza de la categoría, y nella rescampla la novedá de Jairo, la promesa de la cantera carbayona que fichó a primeros d'esti veranu la entidá de Xixón. Xunta elli, Ibón, Carmena y Vázquez, trés los cuatro futbolistes que tan faciendo la pretemporada col primer equipu, y otres novedaes como la del central Dani Palencia, procedente del Atlético de madrid

Sicasí, la noticia del día na tercera división ye la que protagoniza l'Avilés. El que tradicionalmente ocupaba l'estatus de tercer equipu del fútbol asturianu y que llegó a xugar dos campañes en segunda división nos años 90 ta acabante de descender automáticamente a rexonal preferente por impagu de los sueldos a los futbolistes. Deportivamente, l'Avilés yá descendiere a tercera dempués d'un añu catastróficu en Segunda B