El PSOE zarra files con Rubalcaba, anque entainará la so renovación ideolóxica

MADRID, 22 d'Ochobre (EUROPA PRESS)

La vicesecretaria xeneral del PSOE, Elena Valenciano, aseguró esti llunes que tres la derrota socialista nes elecciones gallegues y vasques el partíu va facer "tolos cambios necesarios" y va entainar la renovación ideolóxica que tenía previsto facer a lo llargo de la llexislatura, pero dexó claro qu'en nengún momentu plantegóse la dimisión del secretariu xeneral, Alfredo Pérez Rubalcaba, nin tampoco va adelantase la elección del próximu candidatu a la Moncloa: "Nun ye de nenguna manera'l debate más urxente".