El PSOE recibe’l 41,3 por cientu n’intención direuta de votu nel barómetru del CIS, estudiu fechu enantes del intentu d’investidura

El barómetru de xunetu del Centru d’Investigaciones Sociolóxiques (CIS) da al PSOE un 41,3 por cientu n’intención direuta de votu, porcentaxe mui superior al del PP, segundu, con un 13,7 por cientu. El trabayu de campu fíxose enantes del intentu d’investidura de Pedro Sánchez y recueye datos brutos, ensin tratamientu posterior.

En concretó, realizóse ente los díes 1 y 11 d’esti mes ente 2.952 entrevistaos. Los datos asitien al PSOE en cabeza n’intención de votu direutu, con un 41,3, pol 13,7 por cientu del PP y el 13,1 por cientu de Xuníes Podemos y les sos confluencies. Ciudadanos pasaría de segunda a cuarta fuercia teniendo en cuenta los resultaos daos pol CIS en xunu, recibiendo un 12,3 por cientu, y VOX algamaría un 4,6 por cientu.

En comparanza col sondéu anterior, el PSOE medra en casi dos puntos (39,5), mentes que’l PP repite resultáu. Tres conocer los datos del barómetru, la formación socialista solicitó a Xuníes Podemos, PP y Ciudadanos que faciliten la investidura de Sánchez como presidente del Gobiernu estatal.