El PSOE diz que'l recorte autonómicu "diba ser una contradicción"

El secretariu d'Organización del PSOE, Marcelino Iglesias, almitió que recortar les competencies de les comunidaes autónomes sería contradictorio al respecto de los nuevos estatutos que s'aprobaron nos últimos años.

El secretariu d'Organización del PSOE, Marcelino Iglesias, almitió que recortar les competencies de les comunidaes autónomes sería contradictorio al respecto de los nuevos estatutos que s'aprobaron nos últimos años.
"Impulsemos una nueva xeneración d'estatutos. Sería una contradicción --recortar competencies--. Nun va haber nengún tipu de recorte, pero va haber una propuesta d'entamar meyor l'Estáu autonómicu", sentenció nuna entrevista a Catalunya Radio recoyida por Europa Press.
  
Iglesias marcó distancies col PP, al qu'acusó de tener un discursu "absolutamente centralizador y estremu" que nada tien que ver col proyectu del presidente del Gobiernu, José Luis Rodríguez Zapatero.
  
Calcó en que quien cuestiona la viabilidá económica de les autonomíes ye un "voceru cualificáu" del PP, l'ex presidente José María Aznar, mientres que'l PSOE tan sólo fala de meyorar l'aforru y la collaboración ente territorios.

Sin intervención de les autonomíes
El dirixente socialista aseguró que "nun ye necesaria nenguna intervención" de l'autonomíes per parte del Estáu, pero reclamó que la so obligación ye baxar sustancialmente'l déficit públicu.
  
Avaló que'l Ministeriu d'Economía cuestione que la Generalitat emita deuda otra vuelta, y destacó que nun ye una posición namás aplicable a Cataluña, sinón que ye estrapolable a toles comunidaes autónomes.
  
Iglesias desvinculó la deuda catalana de la xestión del ex presidente José Montilla (PSC) porque reivindicó que yera necesaria una "gran inyección de recursos públicos" pa reactivar la economía catalana.
  
El secretariu d'Organización del PSOE defendió la existencia de los ministerios de Cultura, Educación y Sanidá magar que les competencies tean tresferíes a los territorios porque asegura que "tienen un papel importante na coordinación" de polítiques públiques.