"El PSOE desprecia y traiciona a Asturies", afirma'l PAS

Por considerar naciones a Catalunya y Euskadi y negar dicha definición al país.

"El PAS quier recordar qu'Asturies ye, no político, la nación más antigua de la Península. Y, pol so arte, pol so folclor, pola so música, pol so patrimonio, la so llingua..., ye equiparable a cualquier otra, inclusive de más entidá", afirma la formación política nun comunicáu. Nél amuésase mui críticu col secretariu xeneral del PSOE, Pedro Sánchez, por falar namái de Catalunya y Euskadi como naciones, lo que pa los asturianistes "constitúi un despreciu a los asturianos y una falsificación de la verdá histórica", amás "d'un ataque direutu a los intereses de los asturianos" al entender que la idea de Sánchez conllevará "más dineu pa les 'naciones' y menos pal común de los demás territorios".

La FSA, "dende Adriana Lastra a Adrián Barbón", tamién ye centru de les crítiques del Partíu Asturianista (PAS), yá que destaquen que "apoyen y defenden esa política antiasturiana, que constitúi una traición al nuesu pueblu y a los intereses de los asturianos, que son, pa más inri, los que los votaron".