El PSOE consigue un diputáu más por occidente en detrimentu de Foro
|
28 Marzu, 2012 por Pablo R. Guardado
- Inicie sesión o rexístrese pa espublizar comentarios
El votu emigrante dio un vuelcu a los resultaos eleutorales del domingu al dar un escañu al PSOE en detrimentu de Foro, lo qu'abre la posibilidá de qu'Asturies tenga un gobiernu d'izquierda. UPyD ye agora llave de gobiernu.
El partíu de Javier Fernández consiguió 290 de los de los 573 recibíos, por 44 de Foro, polo qu'algamen les cifres que necesitaben –sumar 177 votos más que'l so rival y trés por caún que recibiera ésti– pa quita-y a la formación de Francisco Álvarez-Cascos un escañu que resulta clave pa la formación del gobiernu y que dexa a UPyD como árbitru de les eleiciones. Con esti cambiu nel occidente, el PSOE pasa a tener 17 escaños y Foro de Ciudadanos, 12. El PP mantién 10; Izquierda Xunida, 5; y UPyD, 1.
D'esta forma, la izquierda suma 22 escaños, los mesmos que la derecha, lo que dexa en manes d'UPyD el futuru del país. Les negociaciones de los próximos díes van ser claves, anque con esti cambiu paez poco probable que Foro mantenga'l Gobiernu d'Asturies y too indica a que Javier Fernández va ser el presidente próximu del país.
Los resultaos del votu emigrante
Pola circunscripción occidental, PSOE sumó 290 votos, por 252 del PP, 44 de Foro y 39 d'IX. Mentes, pola central, el PSOE tamién foi'l que recibió más apoyos, 752, por 345 de PP, 242 de Foro y 202 d'IX. Nel oriente, los socialistes algamaron 301 votos por 131 del PP y 67 de Foro.
Efrén d'Andrés
Lo + visto de la selmana
Comentarios
Depués de 40 años d'hestoria del asturianismu modernu la llave del gobiernu asturianu nun ye un partíu asturianista sinon españolista...sigu-y, sigu-y faciendo partíos pa minoríes de minoríes y escisiones d'escisiones, marabayos de sigles que nun van a nengún llau. Felicidaes gallos!!!!
Gabis
Eso vete a deci-ylo a los que se quedaron en casa, o fueron al monte o a la playa el 25-M, o a los que al final decidieronse pol votu inutil a FAC o a IU.
Ya veo, votar a FAC o a IU ye inútil, pero votar a ún de los catorce partidinos asturianistes que nun tienen diputáu ye votar bien. Pues nada hom, pa qué discutir.
Isti país, la verdá ye que non tien igua.
Va venivos perbién la melecina del Pelucu. Que vos aproveche. Puxa'l xamón!
Sí, sí, gallucos: la culpa tienla´l FAC, la C.I.A., el KGB... la culpa tienla´l quedase en casa, l´"exércitu español d´ocupación", la globalización o la crisis de valores...Siguíi echando balones fuera, que d´autocrítica y de trabayu táis finos. "Andechización" de tol asturianismu a marches forzaes. Rafa, ha siguir col rollu esi d´una alternativa "ecoloxista, izquierdista y altermundista", y depués del caberu vagón de tren..."asturianista". Esto ye la fin, collacios.