<FONT COLOR="#0080FF">El PSOE baxa y pierde l'absoluta en Xix&oacute;n</FONT>

Con más de tres cuartos del escrutiniu, el baxón de votos del PSOE respective a les municipales del 99 ye bultable y parez que confirma les suposiciones de les encuestes pa les autonómiques. Anque en términos globales los socialistes siguen de primer fuerza y ganen les municipales, la mengua de votu de los socialistes ye escandalosa y llega al desastre en Xixón, la plaza más importante del partíu, onde gobernaben con una mayoría absoluta de 16 conceyales. Ello ye que la candidatura de Paz Fernández Felgueroso pierde votos a esgaya y pasaría, al 91% del escrutiniu, de 16 a 11 conceyales, mientres que'l PP quedaría con 10 y IU sedría la llave con 3.