El 'Proyectu Caveda y Nava' incorpora a Pérez Menéndez 'Pin del Monte'

El de Bendón conviértese nel autor 115 que se suma a esta iniciativa d'Araz pa dixitalizar testos lliterarios en llingua asturiana.

Un 'Romance' ye la creación de José Antonio Pérez Menéndez (Bendón, 1857), conocíu como Pin del Monte, como él mesmu firmaba, que yá se pue consultar nesta estaya de 'Espaciu y Tiempu de la Llingua Asturiana'. Fináu nel 1935, los familiares atoparon tiempu depués poemes escritos en papel d'estraza, a llapiceru, con munches pallabres que yá cásique nun se víen.

Héctor Pérez Iglesias trabayó sobre una copia a máquina que fixo la muyer del bisnietu de Pin del Monte. Esti 'Romance' en concreto podría ser de la década de los 20 y espublízóse nel númberu 6 de la revista 'Perxuraos'.

El 'Proyectu Caveda y Nava' entamólu Araz, empresa editora d'Asturies.com, nel añu 2000 basándose nel 'Project Gutenberg' col oxetivu de dixitalizar y facer que tean disponibles en formatu testu testos clásicos de tola lliteratura n'asturianu. En toos estos años foi sumando escritros nuevos, hasta llegar a sumar creaciones de 115 autores.