El Procesu Batura pon en común les conclusiones de los conceyos abiertos

|
Cartelu 'Acontrámonos' Procesu Batura

Coincidiendo col 25 de mayu.

Baxo'l nome de 'Alcontrámonos', el Procesu Batura va presentar les primeres conclusiones de los conceyos abiertos celebraos nos meses últimos "p'abordar l'analís de la situación de la izquierda soberanista asturiana, identificando potencialidaes y necesidaes, y entamar a dibuxar les llinies d'un futuru políticu alternativu pal país". N'Uviéu, Xixón, Avilés, L'Entregu y L'Infiestu decenes de persones aldericaron al respeuto.

Toles opiniones recoyíes resumiéronse nun primer documentu que va dase a conocer esti sábadu al meudía nel uvieín Centru Social Campumanes (cai Campumanes, 10) coincidiendo con una fecha tan significativa pal país como'l 25 de mayu. Un alcuentru que pretende ser un espaciu "p'atopanos y reconocenos toes nun espaciu físicu común" y un primer pasu "pa siguir afondando nesta llínia de trabayu, pasín ente pasu, y siguir creando cadarmes polítiques y estratéxiques al serviciu del pueblu trabayador asturianu".

El conceyu va contar con una pequeña intervención musical y va finar con una espicha popular nel mesmu llocal.

Contador Estadistiques