El problema de los microplásticos marinos, na charra d'Ástura

|
Cartelu Ástura mayu Luis Laria

'Toos comemos plásticu' ye'l nome de la conferencia que va poner Luis Laria.

El direutor de la Coordinadora para el Estudio y la Protección de las Especies Marinas (CEPESMA) y del Parque de la Vida ye'l convidáu por Ástura pa protagonizar la conferencia mensual nel Atenéu Obreru de Xixón sobre cultura asturiana. Nesta ocasión va falase del problema de los microplásticos marinos, del que nun se llibra'l nuesu mar Cantábricu.

"Luis Laria va amosar ñidiamente cómo la presencia masiva de plásticu nos océanos ye l’enguedeyu ambiental más grave dempués del cambéu climáticu. Anguaño yá naide ta llibre de los microplásticos que tán presentes en tola cadena alimenticia y qu’afeuten al espoxigue de patoloxíes y perdes reproductives n’especies marines y, de la mesma manera, tamién na salú humana. La inxestión de plásticos ye causa de la medría d’un importante númberu d’enfermedaes nel ser humanu. Les últimes investigaciones que perafiten la presencia na población europea de 50 microgramos de plásticu por cada 10 gramos d’escrementu válennos bien d’exemplu. La mar ye, a día de güei, el gran sumidoriu", apunten dende l'asociación cultural.

La conferencia va comenzar a les 19.30 hores d'esta tarde. La entrada ye llibre.

 

Contador Estadistiques