El Principáu vuelve al Expolangues

La Conseyería de Cultura del Principáu d'Asturies va repetir presencia na feria Expolangues de París, onde yá tuvo puestu otros años. Pa esta vez, l'organismu oficial decidió llevar la representación más allá del tradicional puestu con llibros va contar cola participación de los escritores Xuan Bello y Berta Piñán y del gaiteru Flavio Benito, que van dar ellí un recital de música y poesía asturianes. Arriendes d'esto, Asturies va poner tamién el clásicu puestu de llibros en que va poder vese lo mesmo los testos básicos n'asturianu que toles novedaes del añu. La feria, qu'entamó güei, va allongase hasta'l sábadu, día 1 de febreru, nel Grande Halle de la Villette