El Principáu remocica'l web oficial

Esta selmana echó a andar la esperadísima primer fase de cambeos nel web institucional del Principáu d'Asturies.La presentación del web nuevu de Princast supón la primer fase d'un cambéu radical que tendrá de rematar hacia mediaos del añu qu'entra cola entrada en serviciu del Serviciu d'Atención al Ciudadanu (SAC) una ferramienta alministrativa que'l Principáu encargó a la multinacional Price Waterhouse Coopers y que tendrá que convertise nel referente en to estáu, en servicios avanzaos de rellación ente alministración y ciudadanos. Anque de momentu los conteníos nun tan tán adelantaos como la estructura que los abelluga que ye nueva dafechu, suponse que en poques selmanes el portal tendrá que tar funcionando con normalidá. El nuevu Princast incorpora una programación nueva dafechu que da un pasu de los conteníos estátcos qu'había hasta agora a una estructura más dinámica. Nel diseñu gráficu y estilu d'esti nuevu portal trabayó Trisquel, una de les empreses asturianes más competentes nel desarrollu d'aplicaciones web. D'alcuerdu cola intención de los responsables institucionales, que queríen facer de Princast un web más alministrativu qu'otra cosa, l'apariencia final ye la d'una web corporativa con un diseñu abondo elegante.Sicasí, esti enfotu institucional por facer de Princast una ventana más alministrativa que representativa dexó al web oficial del Principáu ensin referencies gráfiques esplícites con Asturies. La opción de consulta n'otros idiomes, que llegó a apuntase como posibilidá na versión vieya, onde había botones hacia versiones n'inglés y asturianu que nunca nun llegaron a funcionar, desapaez dafechu, perdiendo asina l'asturianu una oportunidá única p'afitase como llingua de rellación cola alministración

Contador Estadistiques