El Principáu presenta l'Hospital

La marcha del proyectu del futuru Hospital Central d'Asturies, una de les inversiones de les que más vien falándose na llexislatura que ta p'acabar, pue consultase d'agora en p'alantre nuna web especial que colgó esta selmana'l Principáu d'Asturies, que tamién fizo un actu de presentación n'Uviéu de lo que va ser la instalación sanitaria más importante del país. La web, que da tola información sobre'l plan funcional, nun enseña como va ser físicamente l'hospital, y ye que'l proyectu arquitectónicu nun va conocese hasta setiembre, anque sí que se sabe que va tener menos capacidá que l'actual. La presentación per tolo alto pol executivu asturianu del hospital cinco meses de les elecciones valió pa ganar les crítique de la oposición. La diputada por IU Noemí Martín dixo alegrase de que por fín se viere daqué del hospital, pero entiende que'l proyectu cambiose, en cuantes que se dexa pa más p'alantre l'integrar l'hospital colos centros d'investigación y Facultá de Medicina, aparte de que la financiación del complexu ta por definise.