El preciu la gasolina marca un máximu históricu al superar los 1,3 euros

Echar gasolina agora ye más caro que nunca. Según los datos del Boletín Petroleru de la Xunión Europea, el llitru de combustible supera los 1,3 euros, lo que supón el so máximo históricu.
 
En comparanza cola selmana anterior, el preciu del combustible medró un 1,8 por cientu, lo que permitió situar el llitru de gasolina en 1,308 euros, penriba del nivel máximu hasta la fecha de 1,285 euros rexistráu en xineru. Esti encarecimientu coincide con unos niveles de precios del Brent de 115 dólares el barril.
 
Pela so parte, l'otru combustible de referencia, el gasoleu, encarecióse un 1,6 por cientu esta selmana y asitióse en 1,267 euros el llitru, lo que supón el mayor preciu dende mediaos del 2008, cuando esti combustible llegó a algamar los 1,329 euros el llitru. Estos precios tan altos de los combustibles coinciden cola midida del Gobiernu estatal de reducir de manera temporal la velocidá máxima n’autopistes y autovíes a 110 quilómetros per hora cola intención d'aforrar nel gastu de gasolina y gasoleu. Ésta va facese efeutiva a partir del llunes, día 7.