El PP superó en 108 votos a la FSA nel votu emigrante de la circunscripción oriental

Ye una cifra insuficiente pa quita-y l'escañu deseáu a los socialistes, qu'algamaron más apoyos nel conxuntu ciudadanos residentes nel esterior.

Necesitaba'l superar a la FSA en 890 votos na circunscripción oriental, única con posibilidá de cambiu, pero un oxetivu complicáu que yá se dio por descartáu vista la baxa participación magar l'aumentu pola eliminación del votu rogáu: 1.443 –nun primer momentu informóse de 1.337–, cuando nel 2019 quedó en 452. El recuentu daría un resultáu de 539 votos populares por 431, lo que supunxo una victoria insuficiente al partíu lideráu por Diego Canga, que presentó como candidatu nesa fastera del país a Luis Miguel Venta, por 108 papeletes.

Sicasí, nel conxuntu del Censu de Residentes Ausentes (CERA) el trunfu foi socialista. En total votó un 5,9 por cientu del total, sumando Barbón 2.431 votos polos 2.131 del segundu partíu con más sofitos, el PP: nel centru'l repartu foi de 1.550 y 1.145, y nel occidente de 450 y 447.

Na imaxe, Venta, candidatu con más apoyu ente la emigración nel oriente, exerce'l so derechu al votu. Semeya del Twitter del Partido Popular (PP).