El PP plantega espulsar a los inmigrantes sin trabayu

La presidenta del PP de Cataluña, Alicia Sánchez-Camacho, plantegó que los inmigrantes firmen un contratu nel qu’acepten "retornar al so país si per espaciu d'un períodu de tiempu nun tienen empléu nin medios pa sostenese".

Anque nun especifiquen el periodu en que l'inmigrante podría tar sin empléu antes de tornar al so país, con esta midida los populares pretenden poner sobre la mesa'l debate sobre la inmigración y conocer la postura del restu de partíos.

Ente los compromisos que tendríen qu'adoptar los inmigrantes taría tamién aprender tanto catalán como castellanu, pagar impuestos y cotizaciones, y respetar "les lleis, costumes y valores cívicos" de Cataluña.  
  
Nuna vista al barriu de Fondo de Santa Coloma de Gramenet --ún de los barrios catalanes nel que la inmigración tien un mayor impactu--, Camacho caltuvo que l'incumplimientu d'esti contratu impedirá que l'inmigrante puea renovar los permisos de residencia y de trabayu.
  
Compromisu de la Generalitat
El PP propón que, como contrapartida, el contratu contemple que la Generalitat comprométase a promover la integración de los inmigrantes, respetar les sos creencies y costumes mientres "nun seyan contraries a les lleis y al marcu de convivencia", y garantizar la so formación.