El PP gana en tol Estáu español menos n’Asturies

Pese a les movilizaciones en contra del bipartidismu, la corrupción de la clase política y el sistema bancariu que sacó a la cai a miles de persones en tol Estáu, el Partido Popular arrasó nestes eleiciones. Los ‘socialistes’ perdieron feudos perimportantes como Extremadura o Castilla-La Mancha y el PP ganó en tolos territorios onde se celebraben eleiciones, con esceición d’Asturies y de Navarra, onde la victoria foi pa UPN, formación que recueye tolos votos populares na rexón navarra.

Los territorios que celebraben eleiciones yeren Aragón, Asturies, Canarias, Cantabria, Castilla-La Mancha, Castilla y Lleón, Extremadura, Illes Balears, Madrid, Navarra, Murcia, La Rioja y la Comunitat Valenciana. El PP consiguió mayoría absoluta n'ocho d'elles: Cantabria, Castilla-La Mancha, Castilla y Lleón, Illes Balears, Madrid, Murcia, La Rioja y la Comunitat Valencia.