El PP diz qu'usar l'asturianu pa falar del asturianu ye "una falta de respetu"

El PP d'Asturies truñó esta mañana contra la propuesta d'un usu del asturianu llendáu a una comisión sobre'l propiu asturianu, algamando un nivel desconocíu de surrealismu argumental

Según Cherines, “les convocatories y notificaciones de la Xunta Xeneral tienen de faese na llingua oficial d'Asturies, el castellán, y non en bable, lo que supondría un atayu indebíu y poco respetuosu colos derechos de los diputaos, y acabaríamos estableciendo pela puerta de tras lo que nun recueye nin la Constitución nin l'Estatutu d'Autonomía”.

El PP fai estes declaraciones ente la propuesta d'IX de que les notificaciones de la comisión sobre l'asturianu de la Xunta Xeneral, se faigan n'asturianu.

Los demás apoyen la iniciativa d'IX, con matices

Les demás fuerces parllamentaries sofitaron la propuesta d'IX, anque Cristina Coto, de Foro, matizó que la llingua na Xunta Xeneral tien de ser el castellano, anque nesti casu concretu podría permitise un usu billingüe "como una escepción".