El PP de Xixón entama una sesión de llectura coleutiva de poesíes n'asturianu y gallego-asturiano

El PP de Xixón va celebrar esti miércoles la XXXIII Selmana de les Lletres Asturianes con una llectura coleutiva de poesíes n’asturianu y gallego-asturiano. Pilar Fernández Pardo, impulsora de la iniciativa, va encargase d’abrir esta sesión.
 
La presidenta del PP xixonés y vocera del grupu municipal popular nel Conceyu va tar acompañada na presentación del actu, previstu pa les 17 hores na sede nueva del partíu asitiada na cai Álvarez Garaya númberu 3, d’Humbertu Gonzali, escritor y xestor cultural que s’encarga de la coordinación d’esti eventu. Nél ta prevista la participación de dirixentes, militantes y simpatizantes que van lleer dellos testos d’autores del Surdimientu, tanto n'asturianu como en gallego-asturiano.
 
Según anuncia nuna nota la formación política, esta tarde na so sede van poder sentise poesíes de Pablo Ardisana, Nel Amaro, Xosé Manuel Bolado, Xosé Manuel Valdés, Aurora García Rivas, Xuan Xosé Sánchez Vicente, María Teresa González, Roberto González-Quevedo, Miguel Rojo, Ánxel Álvarez Llano, Antón García, Xosé Antonio García, Ignaciu Llope, Lourdes Álvarez, Humberto Gonzali, Berta Piñán, Aurelio González Ovies, Marta Mori, Xabiero Cayarga, Xuan Santori, Chechu García, josé Luis Rendueles, Martín López-Vega, Pablo Texón y Rubén d'Areñes, ente otros.