El PP aventaya en diez puntos al PSOE n’intención de votu
|
8 Febreru, 2011 por Pablo R. Guardado
- Inicie sesión o rexístrese pa espublizar comentarios
El PP ganaría güei les elleiciones xenerales al superar al PSOE nun 10,1 por cientu n’intención de votu. Ye’l datu principal del barómetru d’opinión del mes de xineru ellaboráu pol Centro d’Investigaciones Sociolóxiques (CIS).
El partíu de Mariano Rajoy algamaría’l 44,1 por cientu de los votos, la cifra más alta dende que ta na oposición, mentes que’l PSOE tocaría suelu dende la llegada de José Luis Rodríguez Zapatero al poder al baxar hasta un 34 por cientu. Izquierda Xunida sería la tercer fuerza más votada al sumar un 5,7 por cientu de los votos.
El barómetru d’opinión del CIS tamién desprende la preocupación de la ciudadanía pol paru, problema principal del Estáu pal 82,4 por cientu de los encuestaos. La situación económica (53,1 por cientu) y la clase y partíos políticos (20,6 por cientu) son les otres preocupaciones principales de la xente.
Efrén d'Andrés
