El popular Queipo fai campaña eleutoral en gallego-asturiano

|
Campaña Álvaro Queipo n'asturianu

El secretariu xeneral del PP ye'l candidatu del partíu na circunscripción occidental.

El lema 'A nosa terra' con una semeya d'Alvaro Queipo y un logu del PP Occidente cola contorna del occidente del país componen la imaxe que l'ex presidente del PP de Castropol xubió ayeri a les sos redes sociales xunto a la frase "Xuntos, pol occidente" y trés corazones colos colores d'Asturies. Un xestu a la llingua del Eo-Navia, de la que ye falante, como amosó na Xunta Xeneral en delles ocasiones emplegándola nesta llexislatura.

Sicasí, Queipo nunca nun se salió de la llinia del so partíu d'oponese a la oficialidá de les dos llingües propies d'Asturies. Convidáu por Iniciativa pol Asturianu p'asistir al III Seminariu ‘Oficialidá, el camín constitucional pal futuru del asturianu’, nel que participó esti vienres el so compañeru Valentín García Gómez, secretario xeral de Política Lingüística de Galicia, escusó la so presencia por compromisos políticos, pero treslladó'l so interés poles intervenciones de responsables de política llingüística d'otros territorios presentes n'Uviéu.

 

Contador Estadistiques