El policía John McClane vuelve a les pantalles asturianes con "La Jungla 4.0"

El yá popular policía de Nueva York John McClane,
interpretáu por Bruce Willis, torna otra vuelta a los cines gracies a
"La Jungla 4.0", cuarta parte
de la famosa serie de pelicules qu'entamó con "La jungla de
cristal" allá pel añu 1988. Esta entrega ta dirixida por Len
Wiseman -director de "Underworld"- y acompañen a Willis los
actores Timothy Olyphant y Justin Long. Nesta cuarta parte el policía
neoyorquín vese envueltu nun xuegu nel que tien qu'evitar, cola ayuda
d'un hacker, un ataque al mesmo corazón de los EE.UU.

Otra de les novedaes nos cines del país, especialmente destinada pa
los neños, ye la pelicula d'animación
"Movida bajo el
mar". Esta producción cuenta la historia d'un pexe
llamáu Chip enamoráu d'otru pexe llamáu Leti. Dambos viven
nun arrecife de coral que ta baxo l'amenaza permanente d'un tiburón. Mas
estrenes y tolos horarios na
nuesa
cartelera.