El plazu pa solicitar el votu per corréu pal 23-X va pesllase'l 13 de xunetu

|
Correos eleiciones

Yá se pue solicitar nes oficines de Correos o de forma telemática na web de la empresa.

La espublización ayeri nel BOE de la disolución de les Cortes y la convocatoria d'eleiciones pal 23 de xunetu fixo arrancar tola maquinaria eleutoral. Asina, abrióse'l plazu pa pidir el votu per corréu, una posibilidá pa participar nes xenerales que va tener muncha demanda al coincidir la cita coles urnes col periodu vacacional.

Hasta'l xueves 13 de xunetu va poder solicitase tanto de forma presencial nes oficines de Correos, pa lo que se facilita la posibilidá de pidir cita previa, rellenando'l certificáu correspondiente –pue descargase en toles llingües oficiales na web del ministeriu p'aforrar tiempu– o faciendo'l trámite de forma telemática. Pa esti procesu últimu ye necesario acreitar la identidá por firma electrónica, aceptándose como sistemas d'identificación válidos los certificaos de persona física reconocíos pol Ministeriu d'Industria y el DNI electrónico (DNI-e).

La votación, del 3 al 19

Les persones que faigan esti trámite pa votar per corréu van recibir les papeletes a partir del 3 de xunetu a la direición qu'indiquen. Hasta'l día 19 van tener pa entregar los sobres nuna oficina de correos.

 

Contador Estadistiques