El plazu d'almisión d'escolinos pal cursu viniente adelántase

Va arrancar nueve díes enantes que l'anterior.

La Conseyería d'Educación va entamar el llunes 6 de marzu'l procesu d'almisión d'escolines y escolinos pal cursu 2023-2024 col sortéu de les dos primeres lletres del primer apellíu y la ordenación alfabética, ascendente o descendente, pa resolver los casos nos que produza un empate na puntuación, una vegada aplicáu'l baremu. Esa fecha, tan esperada polos padres qu'escolaricen a los sos fíos pa conocer les sos posibilidaes d'escoyer centru, supón un adelantu con respeuto al añu anterior, cuando se fixo'l 15 de marzu, col resultáu de 'Tl' con sentíu de la 'Z' a la 'A'.

El plazu de presentación de solicitúes de almisión na escuela deseada como primer opción va tar abiertu del 24 de abril al 5 de mayu. La espublización de la llista provisional ta programada pal 17 de mayo en cada centru, con periodu d'alegaciones del 17 al 19 de mayu, y la definitiva, el 5 de xunu.

El 19 de xunu va poder consultase nel colexu escoyíu como primer opción el llistáu nel que se-y asigna plaza a les escolines o escolinos d'Infantil y Primaria non almitíos nel mesmu. La matrícula va poder formalizase del 20 al 27 de xunu, mentes que va abrise del 3 al 14 de xunetu pa les alumnes y alumnos promocionaos y non promocionaos de Secundaria y Bachilleratu.

Otra manera, ésti ye'l primer cursu ensin periodu de matriculación en setiembre en primeru de Bachilleratu al eliminase los esámenes estraordinarios esi mes. Éstos adelantáronse a xunu.