El Pedregal y Caeras reciben la visita de los Guilandeiros de Tinéu

Unos 30 mazcaritos van percorrer los pueblos d'estes dos parroquies pa pidir l'aguilandu.

Los Guilandeiros de Tinéu caltienen l'Antroxu tradicional nel conceyu y, un añu más, y van doce, van animar dellos llugares del mesmu. Los escoyíos nesta ocasión son El Pedregal y Caeras.

La mazcarada d'iviernu va visitar la primer parroquia a les 12 hores, pa dexar la segunda pa pela tarde, dende les 17.30. Los Guilandeiros de Tinéu van llevar música, comedia y folixa a los pueblos d'estos dos puntos del conceyu, onde van visitar les cases pa pidir l'aguilandu a les vecines y vecinos.