El Pasek Belenos d'Avilés asciende a la máxima categoría del rugbi estatal

|
Pasek Belenos subcampeón División d'Honor B 2021-2022

La Federación da a los asturianos la plaza del Lexus Alcobendas llueu del so descensu pola alteración del pasaporte d'un xugador p'algamar un beneficiu competitivu.

El Pasek Belenos ye equipu de División d'Honor. Díes depués de raspiar l'ascensu nel Muro de Zaro con Pozuelo na eliminatoria pol saltu de categoría, nun va tener que xugar la promoción con La Vila por mor de la resolución que desciende al otru equipu madrilanu pola manipulación de la documentación de Gavin van den Berg, amás de retiralu de les semifinales pol títulu lligueru y de la final de la Copa.

Al quedar como segundu clasificáu na División d'Honor B, la Federación Española de Rugby decidió dar la plaza al Belenos. D'esta forma el club d'Avilés va debutar na máxima categoría del rugbi estatal, que torna a contar con un representante asturianu 20 años depués.

Na semeya, la plantía del Pasek Belenos posa'l domingu col troféu de subcampeón de la División d'Honor B 2021/2022. Semeya propiedá del Belenos Rugby Club.

 

 

Contador Estadistiques