El paru xube en 1.240 persones y sitúase en 83.674

|

El númberu de paraos n’Asturies xubió esti mes d’ochobre en 1.240 persones, lo que supón una medría del 1,47 por cientu. Si miramos les cifres añales, éste son más positives al rexistrar una mengua de 8.057 desemplegaos, esto ye, del 8,78 por cientu.

A nivel estatal, el paru aumentó un 1,20 por cientu, pa sumar un total de 44.685 persones ensin emplegu nueves, siendo la media de los diez años anteriores nesti mesmu mes de 92.859 paraos. El territoriu con meyores cifres foi Euskadi, con un descensu del 2,04 por ciento, siguíu de Ceuta (1,72 por cientu) y la Comunitat Valenciana (1,57 por cientu). Mentes, onde más medró’l desemplegu foi nes Illes Balears (18,10 por ciento), Castilla-La Mancha (7,52 por cientu) y La Rioja (2,95 por cientu).

En comparanza col mesmu mes del añu pasáu, el númberu de paraos descendió un 9,85 por cientu, lo que significa 411.387 persones menos, la mayor reducción interañal de toda la serie histórica. Les Illes Balears foi onde más baxó (15,35 por cientu), siguíu de Cantabria (14,59 por cientu) y La Rioja (13,70 por cientu). El datu peor ye’l de Ceuta, con una mengua de namái’l 1,40 por cientu y Canarias (5,78 por cientu).

AdxuntuTamañu
PDF icon datos_del_paru_2016.pdf1.35 MB
Contador Estadistiques