El paru sube nel 2010 n'Asturies un 7,07 %

El númberu de paraos rexistraos nes oficines del Inem n'Asturies subió en 5.362 persones mientres el pasáu añu, el 7,07 por cientu al respecto del 2009, colo que la cifra total de paraos queda al acabar l'exerciciu en 81.199.

El númberu de paraos rexistraos nes oficines del Inem n'Asturies subió en 5.362 persones mientres el pasáu añu, el 7,07 por cientu al respecto del 2009, colo que la cifra total de paraos queda al acabar l'exerciciu en 81.199.  
Nel mes d'avientu del 2010, el númberu de paraos n'Asturies subió a 128.935, lo que supón un aumentu de 1.552 persones respecto al mes anterior. En términos relativos, l'aumentu del paru nel mes d'avientu n'Asturies foi del 1,95 por cientu sobre'l mes de payares.
  
No que respecta al paru masculín, ésti asitióse en 38.984 persones, mientres que'l femenín algamó un total de 42.215 persones. Del total de paraos n'Asturies, 11.197 son menores de 25 años.
  
Por sectores, el paru subió en tolos sectores respecto al mes anterior, salvu nel colectivu 'sin empléu anterior', onde baxó en 26 persones. Sí qu'aumentó en Construcción en 902 persones, en Servicios en 330, n'industria en 289 y n'Agricultura en 57 persones.
  
El númberu de paraos estranxeros n'Asturies queda nes 5.826 persones, de los que 3.111 pertenecen al sector Servicios, 1.324 a la Construcción, 788 al colectivu sin empléu anterior, 398 a Industria y 205 a Agricultura.
  
Mientres tanto, el númberu total de contratos n'Asturies baxó n'avientu en relación al mes anterior en 1.876 (un -8,44 per cientu menos), asitiándose en 20.349 contratos totales. D'esos contratos namás 1.891 fueron indefiníos, por 18.458 temporales. N'España la contratación baxó un 5,38 por cientu.
  
Respectu al añu anterior, la contratación aumentó un 2,16 por cientu n'Asturies (431 contratos más), tasa inferior a la media nacional, que quedó nun 4,59 por cientu.